Дәріханаларда тегін берілуі керек 26 мыңнан астам дәрі сатылып жатыр
Дәріханаларда тегін берілуі керек 26 мыңнан астам препараттар сатылып келген. Бұл цифрлық бақылау кезінде анықталды деп хабарлайды Kursiv.Media.
Денсаулық сақтау министрлігінің мәліметінше, заңсыздық анықталғаннан кейін 106 медициналық ұйым мен дәріханаға тексеріс жүргізілген. Олардың ішінде 60-тан астам ұйым әкімшілік жауапкершілікке тартылды.
«Оларға салынған айыппұлдардың жалпы сомасы 20 млн теңгеден асты. Алдын ала есептеулер бойынша келтірілген залал 36 млн теңгеден асады. Материалдар құқық қорғау органдарына жолданды», – деді Медициналық және фармацевтикалық бақылау комитетінің төрағасы Бауыржан Жүсіпов.
Айта кетейік, елде дәрілік заттарды цифрлық таңбалау және қадағалау жүйесі жұмыс істейді. Ол дәрі-дәрмектің өндірушіден бастап пациентке дейінгі жолын бақылауға және елдегі дәрі қоры туралы ақпаратты қадағалауға мүмкіндік береді.
Қыркүйектен бастап цифрлық таңбалау тағамға биологиялық белсенді қоспаларға (ББҚ) да енгізілді, ал 2027 жылдан бастап бұл жүйе медициналық мақсаттағы бұйымдарға да қолданылады.
- Соңғы
Күнделікті жаңалықтар
10 қыркүйек 2026
