Қазақстанда Changan Eado Plus-тің жаңа нұсқасы пайда болады
Қазақстанда қытайлық Changan Eado Max седанына көлік құралы типін мақұлдау туралы жаңа құжат рәсімделді. Құжат 2029 жылғы 8 қазанға дейін жарамды. Өндіруші ретінде Алматыдағы Astana Motors Manufacturing Kazakhstan зауыты көрсетілген.
Құжатқа сәйкес, Eado Max седанының ұзындығы – 4 785 мм, ені – 1 840 мм, биіктігі – 1 440 мм. Доңғалақ базасы 2 765 мм-ге тең. Ал, Қазақстанда сатылып жатқан Changan Eado Plus моделінің ұзындығы – 4 730 мм, ал доңғалақ базасы – 2 700 мм.
Құжатта көлемі 1,5 литрлік қозғалтқыш көрсетілген. Оның қуаты – 133 кВт (шамамен 181 ат күші), айналу моменті – 280 Нм. Седан алдыңғы дөңгелектері жетекке қосылатын жүйемен жабдықталады. Алдын ала мәлімет бойынша, модельге қос іліністі 7 сатылы роботтандырылған беріліс қорабы орнатылуы мүмкін. Көлікке АИ-92 маркалы немесе одан жоғары маркалы бензин құюға болады.
Жабдықтар тізімінде алдыңғы қауіпсіздік жастықтары мен ABS жүйесі көрсетілген. Қосымша опциялар қатарында панорамалық шатыр, орындықтар мен рульді жылыту, айналаны толық шолуға арналған камералар және адаптивті круиз-бақылау жүйесі болуы мүмкін.
Қазір Қазақстандағы ресми дилерлерде Changan Eado Plus седанының бағасы 7,2 млн теңгеден басталады. Ал Eado Max моделінің бағасы әзірге белгісіз.
Eado Max моделіне көлік құралы типін мақұлдау туралы құжаттың рәсімделуі седанның Қазақстан нарығына жақын арада шығуы мүмкін екенін аңғартады.
Тағы да оқыңыз: Қазақстанда Changan, BYD және Deepal көліктері көбейіп келеді
- Соңғы
-
-
-
-
-
-
-
-
-
-
-
-
-
- Қазан, 13
-
-
-
-
-
Күнделікті жаңалықтар
14 қазан 2026
