Өскеменге жақын жүрген аюды дрондардың көмегімен іздестіруде
Орман және аңшылық шаруашылығы жедел әрекет ету отрядының қызметкерлері Өскеменде қалаға жақын келген аюды іздестіріп жатыр, деп хабарлайды Kursiv.Media өңірлік YK-news.kz басылымына сілтеме жасап.
Жануар түнде гидроэлектр станциясының жанынан байқалған. Видео әлеуметтік желіде жарияланды. Осыдан кейін желі қолданушылары жауапты қызметтерді аюды қаладан алыстатуға шақырды.
Инспекторлар Аблакеткадағы саяжайлар ауданына шығып кетті. Аумақты мониторингтеу үшін олар дрондарды пайдаланды.
«Аюдың бір орнында отырмайтыны түсінікті, ол бір жерде пайда болды, кетті, жатып қалды және түнде қайтадан пайда болуы мүмкін. Сондықтан біздің инспекторлар ол ауданда кезекшілікті жалғастырады. Аң табылған жағдайда оны үркітіп қуалайтын болады», – деді арнайы отряд бастығының орынбасары Сергей Карманников.
Бұған ұқсас жағдай 2025 жылы да болған. Ол кезде арнайы отрядқа Шығыс Қазақстан облысының қалалары мен ауылдарынан көптеген өтініштер түскен. Тұрғындар елді мекендерге кіріп кеткен аюларға шағымданған. Қазір инспекторлар бірнеше ауыл тұрғындарының өтініштерін тексеріп жатыр, ал 24 тамызда Риддерге шығады.
Жануарлардың қалаға шығуына азық қорының аздығы себеп болды. Мамандар орманда жидек, саңырауқұлақ пен жаңғақтың дерлік жоқ екенін айтады.
Айта кететін жайт, 14 тамызда Шығыста марал, елік, аю мекендейтін орман өртенген еді.
- Соңғы
- Тамыз, 21
-
-
-
-
-
-
-
-
- Тамыз, 20
-
-
-
-
-
-
-
-
-
-
Күнделікті жаңалықтар
22 тамыз 2026
