Алматыда балықшының қармағына оқ-дәрі салынған сөмке ілікті
Алматының Түріксіб ауданындағы «Маяк» қалалық көлінде балықшы күтпеген олжаға тап болды. Ол судан балықтың орнына ішінде оқ-дәрілері бар сөмкені шығарып алған, деп хабарлайды Кursiv.Media.
Қалалық полиция департаментінің мәліметінше, сағат 17:30 шамасында ер адам көлде балық аулап отырған. Бір сәтте ол қармағының ауыр затқа ілінгенін сезеді. Қармақ жібін тартып шығарғанда, су астынан сөмке шыққан.
Балықшы сөмкені ашып қарап, ішінен оқ-дәрі көрген соң, бірден «102» нөмірі арқылы полицияға хабар берген.
«Оқиға орнына Түріксіб аудандық полиция басқармасының жедел-тергеу тобы жетті. Оқ-дәрілер тәркіленіп, баллистикалық сараптамаға жіберілді. Мамандар патрондардың қайдан шыққанын және кімге тиесілі екенін анықтайды», – деп хабарлады ведомство.
Публикация от Алматы қаласының ПД | ДП г.Алматы (@almaty.police)
Аталған дерек бойынша қылмыстық іс қозғалды. Тергеу амалдары жүргізіліп жатыр.
- Соңғы
Күнделікті жаңалықтар
15 қыркүйек 2026
