Ақтөбе облысында 80 жылдық тарихы бар Қарауылкелді вокзалы қайта жаңғыртылды
Ақтөбе облысында 1945 жылы салынған Қарауылкелді теміржол вокзалын қайта жаңғырту жұмыстары аяқталды, деп хабарлайды Kursiv.Media.
Көлік министрлігінің мәліметінше, қайта жаңғырту барысында бір қабатты ғимараттың ауданы 112-ден 208 шаршы метрге дейін ұлғайтылды.
Жақтау мен шатыр толығымен жаңартылып, қасбеті фиброцемент тақтайшалармен қапталған. Ішкі инженерлік желілер жаңғыртылып, әрлеу жұмыстары жүргізілді, іргелес аумақ абаттандырылды.
Ішкі бөлмелерде қабырғалар су негізіндегі бояумен сәндік сылақпен безендіріліп, «Армстронг» түріндегі аспалы төбелер орнатылған. Едендерді жабу үшін фарфор плиткалары мен модульдік винил тақталары қолданылған.
Вокзал жаңа жиһазбен және қажетті жабдықтармен жабдықталған. Жұмыстарды жүргізу кезінде қазақстандық өндірістің материалдары қолданылды.Қарауылкелді вокзалы 2 типке жатады. Станция арқылы Семей, Маңғыстау, Бейнеу, Атырау, Орал, Ақтөбе, Көкшетау, Бурабай, Қостанай, Шымкент, Түркістан, Тараз және Шумен байланыстыратын 12 пойыз қатынайды.
Жалпы ел бойынша 124 вокзалды реконструкциялау бойынша ауқымды бағдарлама жүзеге асты, 72 теміржол вокзалы қайта жөндеуден өтті.
- Соңғы
- Қазан, 16
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
17 қазан 2026
