Атырау вокзалын жөндеу кезінде жұмысшы бес метр биіктіктен құлап кетті
Атырауда теміржол вокзалын қайта жаңғырту жұмыстары кезінде 42 жастағы жұмысшы құрылыс ағаштарынан құлап, ауруханаға жеткізілді, деп хабарлайды Кursiv.Media.
«Ақ Жайық» басылымы хабарлауынша, оқиға 15 қазан күні түске дейін болған. Жұмысшы шамамен бес метр биіктіктен құлаған.
Зардап шеккен азамат облыстық ауруханаға жеткізілді. Алдын ала мәлімет бойынша, ол нейрохирургия бөлімінде жатыр.
Оқиға кезінде тағы бір жұмысшы жарақат алған. Оның жарақаты жеңіл болғандықтан, медициналық тексеруден кейін үйіне жіберілген.
Атырау теміржол вокзалын қайта жаңғырту жұмыстары наурыз айында басталған. Жобаны «Батыс Альянс Строй» ЖШС жүзеге асырып жатыр. Нысанды қазан айында пайдалануға беру жоспарланған.
Айта кетейік, осыған дейін Павлодарда теміржолда ауыр жарақат алған 22 жастағы ер адам ауруханада көз жұмған еді.
- Соңғы
Күнделікті жаңалықтар
15 қазан 2026
