Ұлыбритания Чернобыль АЭС-ін жөндеуге 22,4 миллион доллар бөледі
Ұлыбритания Украинадағы Чернобыль атом электр станциясының зақымданған қорғаныс құрылымын жөндеуге 17 миллион фунт стерлинг, яғни 22,4 миллион доллар бөлетінін жариялады, деп жазады Kursiv.Media.
Ұлыбритания үкіметі хабарлағандай, қаржы 2025 жылғы 14 ақпанда дрон соққысынан зақымданған төртінші реактордың үстіндегі қорғаныс құрылымын қалпына келтіруге бағытталады.
Жөндеу радиацияның таралуын шектейтін құрылымның герметикалығын және желдету жүйелерінің жұмысын қалпына келтіруді қамтиды.
Уақытылы жөндеу жүргізілмесе, металл құрылымының тот басуы кейін қауіпсіздікке әсер етуі мүмкін. Қаржыландыру еуропалық қайта құру және даму банкі үйлестіретін халықаралық бағдарлама аясында жүзеге асырылады. Оған Украина үкіметі мен «Үлкен жетілік» елдерінің донорлары да қатысады.
Айта кетейік, 1986 жылғы 26 сәуірде Чернобыль АЭС-інде әлемдегі ең ірі ядролық апаттардың бірі болды. Қазіргі жөндеу жұмыстары станция аумағындағы ядролық және радиациялық қауіпсіздікті сақтауға бағытталады.
Былтыр Ресей шабуылынан кейін Чернобыль саркофагы тесіліп қалған еді.
- Соңғы
Күнделікті жаңалықтар
15 қазан 2026
