СҚО-да бес көлік соқтығысып, үш адам қайтыс болды
Петропавл-Көкшетау трассасында бес көлік соқтығысты. Жол апатынан Солтүстік Қазақстан облысындағы балабақша директоры мен екі тәрбиеші қайтыс болды. Тағы екі адам ауруханаға жатқызылды деп хабарлайды Kursiv Media.
Жол апаты 15 қазанда таңғы сағат 08:00-де Тайыншы ауданы, Кременчуг ауылының маңында болған. Полиция мәліметінше, үш жеңіл көлік пен екі КамАЗ соқтығысқан.
Әлеуметтік желіде жол апаты болған жерден видеолар тарады. Ол бейнежазбаларда жеңіл көліктің екі жүк көлігінің ортасында қысылып қалғанын, өте көп бөлігі зақымдалғанын көруге болады.
Жол апатынан Audi көлігінің үш жолаушысы да қайтыс болған. Жүргізуші және тағы бір жолаушы ауруханаға жеткізілді. Өзге көліктердегі жүргізушілер жарақат алмаған.
«Қазір оқиғаның барлық себептері мен мән-жайларын жан-жақты, толық әрі объективті анықтау үшін кешенді тергеу шаралары жүргізіліп, сараптамалар тағайындалды», – деп хабарлады СҚО Полиция департаменті.
Облыстық білім басқармасы қаза тапқандардың Жамбыл ауданында жұмыс істегенін нақтылады. Бұл жеке сапар болған және олардың қызметтік міндеттерін атқаруымен байланысты емес.
Оқи отырыңыз: Алматы облысында мас жүргізуші төрт жасөспірімді қағып кетті
- Соңғы
Күнделікті жаңалықтар
15 қазан 2026
