Елде электрокөліктерді қуаттау бағасы қымбаттауы мүмкін
Елде электр қуаттау станцияларына қойылатын жаңа талаптар тарифтердің өсуіне әкелуі мүмкін. Бұл туралы «Ақ жол» фракциясының депутаттары Сауда және интеграция министрі Арман Шаққалиевке жолдаған депутаттық сауалында мәлімдеді, деп хабарлайды Kursiv.Media.
Депутаттардың мәліметінше, 1 желтоқсаннан бастап автокөлікке берілген электр энергиясының көлемі ғана емес, сонымен бірге кернеу, ток күші және қуаттау уақыты да тексерілетін болады. Олардың айтуынша, қуаттау станцияларының бір түрін немесе партиясын сынақтан өткізу және бекіту шамамен 2 млн теңгеге түсуі мүмкін.
Операторлар бұл шығындарды жүргізушілерге арналған тарифке қосуы мүмкін.
Бұл ретте, депутаттардың пікірінше, тексеру тәртібі әлі күнге дейін түсініксіз.
«Шын мәнінде министрлік тексерістің қалай жүргізілетінін әлі толық айқындаған жоқ», – деді ол.
Депутаттар қуаттау жылдамдығы мен қуаты тек станцияға емес, сонымен бірге автокөліктің мүмкіндігіне, аккумулятордың температурасына, қуат деңгейі мен батареяның жағдайына да байланысты екенін атап өтті. Операторлар бұл параметрлерді толық бақылай алмайды.
Соынмен қатар мұндай қосымша шығындар жаңа станциялардың ашылуын баяулатуы мүмкін.
Депутат ток күшін және қуаттау уақытын бақылау талаптарын қайта қарап, ең алдымен жүргізуші төлейтін электр энергиясы есебінің дәлдігіне басымдық беруді сұрайды.
Сондай-ақ ережелер күшіне енгенге дейін депутаттар тексерулердің түсінікті тәртібін ұсынып, олардың тұтынушылар үшін пайдасын дәлелдеуді талап етіп отыр.
- Соңғы
Күнделікті жаңалықтар
15 қазан 2026
