FlyArystan Астанадан Құлжаға тікелей рейс ашады
FlyArystan әуе компаниясы 26 қазаннан бастап Астана мен Қытайдың Шыңжаң-Ұйғыр автономиялық ауданындағы Инин қаласы (Құлжа) арасында тұрақты тікелей рейстерді іске қосады.
Рейстер аптасына үш рет – дүйсенбі, сәрсенбі және сенбі күндері орындалады. Астанадан ұшақ сағат 07:55-те ұшып, Бейжің уақытымен 13:20-да Ининге жетеді. Кері рейс сағат 15:20-да ұшып, Астанаға жергілікті уақыт бойынша 14:50-де қонады.
FlyArystan басшысы Йохан Эйдхагеннің айтуынша, жаңа бағыт іскерлік және туристік сапарларға, сондай-ақ туыстарға баруға мүмкіндік береді.
Бұл – әуе компаниясының Қазақстаннан Ининге ашқан екінші бағыты. 2025 жылы Алматыдан осы қалаға рейстер іске қосылған. Қазір FlyArystan Қытайдың Үрімші, Инин, Сиань және Чунцин қалаларына ұшады.
- Соңғы
Күнделікті жаңалықтар
15 қазан 2026
