Қазақстанда Chevrolet Cobalt жаңартылады: көліктің қандай өзгерістері бар

16.10.2026, 17:41 kz.kursiv.media

Қазақстанда танымал Chevrolet Cobalt жаңартылған нұсқада шығуы мүмкін. Көлік жаңа салонмен, қосымша функциялармен және жетілдірілген қозғалтқышпен жабдықталады, деп хабарлайды Kursiv.Media.

Бұл туралы 15 қазанда жарияланған көлік құралы типін мақұлдау құжаты ОТТС) мәлім болды.

Жаңартылған Chevrolet Cobalt MCM 2025 жылдың соңында Өзбекстан нарығына шыққан. Сыртқы келбеті бұрынғы нұсқасынан айтарлықтай ерекшеленбейді. Алайда көліктің салонында бірқатар өзгеріс бар.

Атап айтқанда, аспап панелі Chevrolet Tracker моделіндегідей жаңартылған. Сондай-ақ, Android Auto және Apple CarPlay жүйелерін қолдайтын MyLink мультимедиалық жүйесі орнатылған.

Бұдан бөлек, көлікке алдыңғы орындықтарды жылыту функциясы мен круиз-бақылау жүйесі қосылған.

Жаңартылған модельде көлемі 1,5 литрлік, төрт цилиндрлі B15D2 қозғалтқышы сақталған. Дегенмен оның жұмысына бірқатар өзгеріс енгізілген.

Қозғалтқыш газ тарату фазаларын өзгертуге арналған DVCP жүйесімен және жаңа электронды басқару блогымен жабдықталған. Автоматты беріліс қорабы мен ABS жүйесінің басқару блоктары да жаңартылған.

Қозғалтқыштың қуаты бұрынғы 106 ат күшінен 102 ат күшіне дейін төмендеген. Ал айналу 134 Н·м-ден 138 Н·м-ге дейін өскен.

Жаңа ОТТС құжаты «СарыарқаАвтоПром» ЖШС атына рәсімделген. Құжатта көлікті құрастыратын өндіріс орны ретінде Қостанайдағы зауыт көрсетілген.

Құжат Chevrolet Cobalt және Cobalt MCM модельдерін сериялық шығаруға мүмкіндік береді. Сонымен қатар, полиция, Төтенше жағдайлар министрлігі, Ұлттық ұлан және басқа да мемлекеттік органдарға арналған арнайы модификациялар қарастырылған.

Әзірге жаңартылған Chevrolet Cobalt моделінің Қазақстанда сатылымға шығатын нақты уақыты белгісіз. Дегенмен типті мақұлдау құжатының жариялануы седанның 2026 жылдың соңына дейін нарыққа шығуы мүмкін екенін көрсетеді.

Толық оқыңыз…