Қытай 2027 жылдан бастап көлік экспорттау талаптарын күшейтеді
2027 жылдан бастап Қытайдан көлік экспорттау талаптары қатаңдайды. Өндірушілер шетелде сервистік орталықтары бар екенін және олардың көліктерге қызмет көрсетуге дайын екенін құжатпен растауға тиіс болады. Жаңа талап Қытай маркаларына ғана емес, Қытайда өндірілетін еуропалық, жапондық, америкалық және кореялық брендтердің көліктеріне де қатысты. Бұл туралы Kursiv.media РБК-ға сілтеме жасап хабарлайды. Қытайдың Сауда министрлігіне сілтеме жасап хабарлады.
Қытайдың Сауда министрлігі ұсынған мәліметке сәйкес, 2027 жылғы 1 қаңтардан бастап экспорт лицензиясын рәсімдеу кезінде өндірушілер шетелдегі сервистік орталықтарының барын және олардың көліктерге қызмет көрсете алатынын дәлелдеуі қажет.
Ол үшін компаниялар сервистік орталықтармен жасалған келісімдерді немесе өздерінің қызмет көрсету желісі барын растайтын құжаттарды ұсынуы керек. Сонымен қатар жөндеу жұмыстарын жүргізуге қажетті рұқсаттар, жабдықтар, мамандардың біліктілігі және қосалқы бөлшектерді жеткізу жүйесі туралы мәліметтер сұралады.
Бірінші санаттағы өндірушілер шетелде кемінде 50 сервистік орталығы бар екенін растауға тиіс.
Заңгерлердің айтуынша, Қытайда көлік экспортын реттеу жүйесі бұрыннан жұмыс істейді. Оның негізгі ережелері 2012 жылы қабылданған №318 хабарламада бекітілген. Шетелде сервистік инфрақұрылымның болуы туралы талап та бұрыннан бар.
Жаңа құжат бұл талаптарды 2027 жылы да қолдануды көздейді.
Еске салайық, 26 қыркүйектен бастап көлік құралдарының электрондық паспортын рәсімдеу тәртібі өзгерді. Жаңа талаптарға сәйкес, жеке тұлғалар бес жылдан асқан көліктерді Қазақстанға әкеліп тіркей алмайды.
- Соңғы
- Қазан, 09
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
10 қазан 2026
