Сот жалға алған адамның баласы болса, үйден неге бірден қуылмайтынын түсіндірді
Астана соты пәтер иесінің жалға алушыны тұрғын үйден шығару туралы арызын не себепті қайтарғанын түсіндірді, деп хабарлайды Kursiv.Media.
Соттың мәліметінше, үй иесі жалға алушы әйелді пәтерден шығару туралы талап-арыз берген. Алайда тұрғын үйде кәмелетке толмаған бала тұрғандықтан, іс мамандандырылған ауданаралық кәмелетке толмағандардың істері жөніндегі сотта қаралуы керек екені түсіндірілген. Апелляциялық саты бұл шешімді қолдаған.
Соттың хабарлауынша, талап қоюшы ювеналды сотқа әлі жүгінбеген. Мұндай даулардың соттылығы Азаматтық процестік кодекстің 27-бабының 3-бөлігімен реттеледі.
Сот өкілдері талап-арыздың соттылыққа байланысты қайтарылуы меншік иесінің құқығы бұзылды дегенді білдірмейтінін атап өтті. Сондай-ақ бұл шешім пәтер иесінің құзыретті сотқа қайта жүгінуіне кедергі келтірмейді.
«Әдетте, тұрғын үйде тұруға заңды негіздері жоқ адамдарды тұрғын үйден шығару туралы меншік иелерінің негізді талап қою арыздары соттармен қанағаттандырылады», – делінген сот хабарламасында.
БАҚ беттерінде пайда болған ақпаратқа сәйкес, бұған дейін Астана тұрғыны Айгүл Кинбаева өз пәтерін сегіз жасар баласы бар әйелге жалға бергенін, кейін жалдау ақысына қатысты мәселе туындап, жалға алушының үйді босатудан бас тартқанын айтқан еді. Оның сөзінше, мәселені полиция мен сот арқылы шешу әрекеттері нәтиже бермеген.
- Соңғы
- Қазан, 09
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
10 қазан 2026
