Каспийде қаза тапқан әскерилердің отбасына қаржылай көмек бөлініп берілді
Маңғыстау облысында Каспий теңізіндегі оқиға салдарынан қаза тапқан әскери қызметшілердің отбасылары мен аман қалған сарбаздарға қаржылай көмек бөлу аяқталды, деп хабарлайды Kursiv.Media.
Бұл туралы облыстық қоғамдық кеңестің төрағасы, Қазақстан Халық кеңесінің мүшесі Бекмұрат Жүсіповтің мәлімдеуінше, «Ұлттық рух» қорына түскен қаражат толық таратылды.
Оның айтуынша, қаражатты бөлу үшін арнайы комиссия құрылып, оның құрамына құқық қорғау органдарының өкілдері, депутаттар және қоғам мүшелері кірген. Көмек көлемін анықтауға қаза тапқан сарбаздардың ата-аналары да қатысқан.
Туыстарының өтініші бойынша әр отбасыға берілген нақты сома мен алушылардың жеке деректері жарияланбайды.
Еске салайық, Каспий теңізінде оқу-жауынгерлік тапсырманы орындау кезінде 17 әскери қызметшіні ашық теңізге ағыс алып кеткен. Үшеуі құтқарылып, 14-і қаза тапты. Іздеу-құтқару операциясы 25 қыркүйекте аяқталды.
Оқиғаға байланысты қызметтік міндеттерді тиісінше орындамау және кеме жүргізу қағидаларын бұзу баптары бойынша қылмыстық тергеу жүргізіліп жатыр.
- Соңғы
- Қазан, 09
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
10 қазан 2026
