Шымкентте полицияның гарнизондық таратуы өтті
Қылмыспен күрес күн тәртібінен түспейтін мәселе. «Қауіпсіз қоғам» құру үшін тек құқық қорғау органдары ғана емес, қарапайым тұрғындар да атсалысуы қажет. Тәртіп сақшылары бүгінде қылмыстың алдын алу бағытында аянбай еңбек етіп жүр.
Қазіргі заманда қауіпсіздік мәселесі – әлемнің әр түкпірінде басты назарға алынатын күрделі тақырыптардың бірі. Қылмыспен күрес, қоғамның тыныштығын сақтау, азаматтардың қауіпсіздігін қамтамасыз ету – бұл тек құқық қорғау органдарының міндеті ғана емес, жалпы қоғамның әр мүшесінің жауапкершілігі. Сондықтан «Қауіпсіз қоғам» қалыптастыру үшін әрбір тұрғында өз үлесін қосуы қажет.
Күні кеше Шымкентте полицияның кешенді күштерінің гарнизондық таратуы өтті. Бұл шара полиция департаментінің бастығы Мұхтар Қожаевтың жетекшілігімен жүзеге асырылды. Басшы өз сөзінде, полиция қызметкерлерінің дайындық деңгейін тексеріп, қоғамдық тәртіпті қамтамасыз ету мен азаматтардың қауіпсіздігін сақтау мақсатындағы негізгі міндеттерді қадап айтты. Мұндағы басты мақсат – құқық қорғау органдарының қызметкерлерінің кәсібилігін арттыру, қоғамдық тәртіпті сақтаудағы жауапкершілігін күшейту.
Полиция қызметкерлері қылмыстың алдын алу бағытында аянбай еңбек етіп жүргені белгілі. Олар күн сайын қажетті шараларды ұйымдастырып, тұрғындармен тығыз байланыс орната отырып, қоғамдағы қылмысты азайтуға барынша күш салуда. Мәселен, полиция қызметкерлері тұрғындар арасында құқықтық сауаттылықты насихаттап, олардың құқықтары мен міндеттері жайлы түсіндірме жұмыстарын жүргізуге ерекше көңіл бөледі.
Құқық қорғау органдарына көмек көрсету, заң талаптарын сақтап, қоғамдық тәртіпті бұзған жағдайларда жедел хабарлау – әрбір азаматтың міндеті. Тұрғындардың белсенділігі, құқықтық мәдениеттің артуы қылмыстың алдын алуға оң әсер етеді.
Осы орайда, мәлім етер жайт, қоғамдағы қауіпсіздікті қамтамасыз ету үшін, тек полиция қызметкерлері емес, сонымен қатар түрлі мемлекеттік ұйымдар, қоғамдық ұйымдар, мектептер мен отбасы да бірігіп әрекет етуі тиіс. Тек осылайша біз жан-жақты «Қауіпсіз қоғам» құрып, келешек ұрпаққа бейбіт, тыныш орта сыйлай аламыз.
Келешекте кез — келген қазақстандық өз қауіпсіздігіне жауапкершілікпен қарап, құқық қорғау органдарымен бірге қылмысқа қарсы күресте белсенді атсалысса, біздің қоғамымыздың қауіпсіздігі артып, қылмыстық көріністердің азаюына септігін тигізері сөзсіз.
Саптық байқау барысында қызметкерлердің сыртқы келбеті, қызметтік жабдықтары мен жарақтандырылуы, сондай-ақ қызметтік автокөліктердің дайындығы тексерілді. Сонымен қатар құқық бұзушылықтардың алдын алу, азаматтардың өтініштері мен хабарламаларына жедел ден қою және қызмет атқару сапасын арттыру бойынша нақты тапсырмалар берілді. Іс-шарада қызметтік міндеттерін адал әрі мінсіз атқарған бірқатар қызметкерлер марапатталды.
- Соңғы
Күнделікті жаңалықтар
3 қараша 2026
