Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Жаңа көлік саудасы рекордтық деңгейге жетті: қазанда қай брендтер көп сатылды

kz.kursiv.media

Жаңа көлік саудасы рекордтық деңгейге жетті: қазанда қай брендтер көп сатылды

Қазақстанда жаңа автокөлік саудасы қазанда жыл басынан бергі ең жоғары көрсеткішке жетті. Бір айда ресми дилерлер 21 912 жеңіл және коммерциялық көлік сатты. Бұл былтырғы қазанмен салыстырғанда 8,5%-ға, ал биылғы қыркүйекпен салыстырғанда 13,1%-ға көп. Айлық сатылымда Chevrolet алға шықса, қаңтар-қазан қорытындысы бойынша Hyundai көш бастап тұр. Бұл туралы Қазақстанның Автокөлік Одағы (ҚАО) хабарлады.

2026 жылғы қазанда ең көп сатылған брендтер қатарында Chevrolet, Hyundai және Kia бар. Chevrolet бір айда 4 174 көлік сатып, бірінші орынға шықты. Бұл былтырғы қазанмен салыстырғанда 49%-ға көп.

Hyundai 3 200 көлікпен екінші орынға тұрақтады. Алайда бренд сатылымы бір жылда 24,4%-ға төмендеген. Ал Kia 2 350 көлік сатып, үшінші орын алды. Оның көрсеткіші былтырғы қазанмен салыстырғанда 23,6%-ға өскен.

Қазан айында ең көп сатылған он брендтің көрсеткіші:

Қазан айындағы модельдер рейтингінде Chevrolet Cobalt айқын басымдықпен бірінші орын алды. Бір айда осы модельдің 3 928 данасы сатылған.

Екінші орынға 1 446 көлік көрсеткішімен Hyundai Mufasa жайғасса, үшінші орынды 896 данасы сатылған Kia Sportage иеленді. Алғашқы бестікке Hyundai Tucson (864 көлік) және Changan CS55 Plus (753 көлік) те енді.

Қазан айында ең көп сатылған 10 модель:

Қаңтар-қазан қорытындысы бойынша Қазақстанда 187 698 жаңа жеңіл және коммерциялық автокөлік сатылған. Бұл 2025 жылдың осы кезеңімен салыстырғанда 3,3%-ға артық.

Он айдың қорытындысында Hyundai 30 697 көлікпен бірінші орында тұр. Chevrolet одан сәл ғана қалып, 30 446 көлік сатумен екінші орынға жайғасқан. Үшінші орында – 21 314 көлік көрсеткіші бар Kia.

Changan сатылымы бір жылда 92,6%-ға өсіп, 17 568 көлікке жеткен. Осылайша бренд жалпы рейтингте төртінші орынға көтерілген. Бестікті 13 650 көлік сатқан Chery түйіндеді.

ҚАО президенті Анар Мақашеваның айтуынша, Қазақстанның автонарығында бәсеке жоғары, бұл тұтынушыларға ұсынылатын көлік түрлерінің көбеюіне ықпал етеді.

«Қазақстанның автонарығында бәсеке жоғары, бұл бизнестің өсуіне түрткі болып, тұтынушылар үшін ұсыныс ассортиментін кеңейтеді», – деді ол.

Сондай-ақ ҚАО басшысы жыл соңында нарықтағы көшбасшылардың орны өзгеруі мүмкін екенін атап өтті. Оның сөзінше, қараша-желтоқсан айларында мерекелік науқандарға байланысты автокөлік саудасы әдетте артады.

  • Соңғы
Басқа жаңалықтар

Күнделікті жаңалықтар

Бүгін,
17 қараша 2026

Тақырып бойынша жаңалықтар

Басқа жаңалықтар