Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Қазақстандық компания Абай облысында алтын іздейді

kz.kursiv.media

Қазақстандық компания Абай облысында алтын іздейді

Абай облысында алтын кені бар аймақтарды анықтау үшін ауқымды геологиялық барлау жұмысы жүргізілмек. «Assana company» компаниясы Аягөз ауданында алтын кенін іздейді, деп хабарлайды qazba.kz.

Аталған жоба 2026 жылдың 26 қыркүйегінде берілген № 4880-EL лицензиясы негізінде жүзеге асырылады. Жалпы көлемі 49 шаршы шақырымды құрайды. Бұған дейін жүргізілген геологиялық және геофизикалық зерттеу нәтижесінде бұл аймақтан алтын көріністері анықталған болатын.

Геологиялық барлау жұмыстарының басты мақсаты – аймақтың геологиялық құрылымын жан-жақты зерделеу, алтын кездесетін перспективті учаскелерді айқындау, руданың орналасу сипаты мен сапалық көрсеткіштерін нақтылау.

Сонымен қатар бұл шаралар болашақта пайдалы қазбалардың қорын есептеп, ресурстарды бағалау үшін қажетті бастапқы геологиялық деректерді жинауға мүмкіндік береді.

Аталмыш геологиялық барлау жұмысын 2026–2032 жылдар аралығында өткізу жоспарланып отыр.

eGov деректеріне сүйенсек, негізінен көтеме саудамен айналысатын «Assana company» ЖШС Астана қаласында тіркелген, ал компанияның жалғыз құрылтайшысы әрі басшысы – Азамат Кенжалин.

Бұған дейін Қытай инвесторына тиесілі компания Ақмола облысында алтын іздейтіні хабарланған.

  • Соңғы
Басқа жаңалықтар

Күнделікті жаңалықтар

Бүгін,
17 қараша 2026

Тақырып бойынша жаңалықтар

Басқа жаңалықтар