Елдің басым бөлігінде 10 градусқа дейін жылы болады
19, 20 және 21 қарашада ел аумағының басым бөлігінде солтүстік-батыс циклонының әсерінен ауа райы бұзылады. Синоптиктердің болжамынша, жауын-шашын түсіп, көктайғақ болады, дегенмен елдің кей аймағында күндізгі ауа температурасы біртіндеп жылынады.
Алдымен циклонның ықпалы батыс өңірлерде сезіліп, кейін тұрақсыз ауа райы солтүстік-батыс пен солтүстік аймақтарға ойысады.
Республика бойынша жаңбыр мен қар жауып, жел күшейеді. Солтүстік өңірлерде көктайғақ күтілсе, түнгі және таңғы уақыттарда кей жерлерді тұман басады. Тек елдің шығысында ғана жауын-шашынсыз ауа райы сақталады.
Ауа температурасы өңірлер бойынша келесідей өзгереді:
Батыста түнде −2…+5 °C-тан +1…+10 °C-қа дейін, күндіз +2…+10 °C-тан +5…+10 °C-қа дейін жылынады;
Солтүстік-батыс, солтүстік, орталық және шығыста түнде −3…−13 °C шамасында аяз сақталады, ал күндіз ауа температурасы 0…+5 °C-тан +5…+10 °C-қа дейін көтеріледі;
Оңтүстік пен оңтүстік-шығыста ауа температурасында күрт өзгерістер болмайды.
Бұған дейін Қазгидромет қыстың алғашқы айы – желтоқсанда ауа райы қандай болатынын жариялаған еді.
- Соңғы
Күнделікті жаңалықтар
18 қараша 2026