Шенеуніктер жаппай өлім жазасына кесілді
Бұл туралы оңтүстіккореялық «Chosun» телеарнасы хабарлады. Дереккөздің мәліметінше, Солтүстік Корея тамыз айында су басқан аймақта жұмыс істеген кем дегенде 20 мемлекеттік қызметкерді өлім жазасына кескен. Өлім жазасына кесілгендердің арасында облыс әкімдері деңгейіндегі шенеуніктер де бар.
Ақпарат үшін, ағымдағы жылдың 31 шілдесінде Солтүстік Кореяда су тасқынына байланысты төтенше жағдай жарияланған болатын. Толассыз жауған жаңбыр салдарынан елде 4 мыңнан астам үйді су басты. Солтүстік Корея басшысы Ким Чен Ын су тасқынынан зардап шеккен аймақтарға барды.
КХДР басшысы гуманитарлық көмек көрсетуге дайын екендіктерін білдірген елдер мен халықаралық ұйымдарға алғысын білдірді, бірақ оларды қабылдамаған. Ол ел билігі басқарудың барлық саласында өз күшіне сүйенетінін баса айтты.
Оның айтуынша, Солтүстік Корея үкіметі су тасқынынан келген шығынды еңсеру үшін ел халқына арқа сүйегісі келеді.
Дереккөз: kazinform
Бізді Youtubе-та қараңыз!Бізді Facebook-та, Instagram-да, Telegram-да оқыңыз!
- Соңғы
Күнделікті жаңалықтар
16 қыркүйек 2024
