Атыраудағы ауа ластануы: Экология министрлігі апаттың себебін атады
Қазақстан Экология және табиғи ресурстар министрлігі Атырауда ауадағы күкіртсутек деңгейінің жоғары болу себептерін атады, деп хабарлайды Кursiv.Media.
Әлеуметтік желілерде қала тұрғындары ауа сапасына шағымданды. Олардың айтуынша, өткір әрі тұншықтырғыш иіс жабық терезелерден де үйге кіріп жатыр.
Министрліктің мәліметінше, Атырау үшін күкіртсутекпен ластану мәселесі өзекті. Қолайсыз метеорологиялық жағдайларда зиянды заттардың шекті рұқсат етілген концентрациясы айтарлықтай асып кетуі мүмкін.
Ауаны ластаудың негізгі көздері:
Бұған қоса, желдің әлсіздігі, түнгі уақыт және ластаушы заттардың баяу таралуы ауа сапасына әсер етеді.
Министрлік экологиялық жағдайды жақсарту үшін шығарындыларды азайту, инфрақұрылымды жаңғырту және экобақылауды күшейту шаралары жүргізіліп жатқанын хабарлады. Заң бұзушылық анықталған жағдайда жоспардан тыс тексерулер жүргізіледі.
8 қыркүйекте Атырау облысының Экология департаменті қаладағы ауа сапасына қатысты жоспардан тыс тексеруді бастады.
Айта кетейік, Экология министрлігі Қазақстандағы ең ірі мұнай кен орнының операторына күкіртті рұқсат етілген көлемнен артық сақтағаны үшін айыппұл салған еді.
- Соңғы
Күнделікті жаңалықтар
17 қыркүйек 2026
