"Қазақстандықтарды соғысқа күштеп жіберген". СІМ Ресейге нота жолдады
Қазақстан Сыртқы істер министрлігі Украинадағы соғыстан бір-ақ шыққан қазақстандықтарға байланысты Ресейге нота жолдады, деп хабарлайды Kursiv.media.
Министрлік Kursiv.media-ға қазақстандықтарға қатысты мән-жайды анықтауға әрекет жасалып жатқанын хабарлады.
«Бұл мәселе бойынша Ресей Федерациясының Сыртқы істер министрлігіне дипломатиялық нота жолданды. Ресей тарапымен тиісті жұмыс жалғасуда», – делінген СІМ жауабында.
Министрлік жұмыстың нәтижелері бойынша қосымша хабарлауға уәде беріп отыр.
Айта кететін жайт, бір топ қазақстандық жігіт Ресейге күзет жұмысына кетіп, оларды күштеп Украинадағы соғысқа әкеткенін хабарлаған болатын. Айтуларынша, олар ешқандай келісім-шартқа қол қоймаған. Сонда да күштеп, соғысқа жіберген.
Мұның алдында Қазақстан СІМ-і Үндістанда ұсталған мұнай танкерінде қалып қойған қазақстандықтарға қатысты нота жолдаған еді.
- Соңғы
Күнделікті жаңалықтар
2 қазан 2026
