Грекияда тұңғыш рет әйел президент сайланды

23.01.2020, 08:01 ktk.kz

Грекия президенті болып Екатерина Сакелларопулу сайланды. Ол бұған дейін Грекияның жоғарғы әкімшілік соты – мемлекеттік кеңес төрағасы болған. Осылайша, Грекия мемлекетін тұңғыш рет әйел басқарады. Дауыс беру рәсімі 22 қаңтар күні парламентте өтті. Оның нәтижесінде Екатерина Сакелларопулу үшін 300 депутаттың 260-тан астамы дауыс берді. Бұл дауыс саны президент боп сайлану үшін жеткілікті. Грекия заңы бойынша, мемлекет басшысын парламент премьер-министрдің ұсынысы бойынша бес жыл мерзімге сайлайды. Фракциялар да өз үміткерлерін ұсына алады. Регламентте президенттікке үміткерді талқылау қарастырылмаған. Грекияның қазіргі басшысы Прокопис Павлопулостың өкілеттік мерзімі 13 наурызда аяқталады.