Қазан айының алғашқы күндері ауа райы қандай болады
«Қазгидромет» синоптиктері 1, 2 және 3 қазанға арналған ауа райы болжамын жариялады. Оған сәйкес қазан айының басында елге нағыз күз мезгіліне тән ауа райы келеді, деп хабарлайды Kursiv.media.
Атмосфералық фронттардың өтуіне байланысты Қазақстанның басым бөлігінде ауа райы тұрақсыз болады. Жаңбыр жауады, елдің батысы мен солтүстік-батысында жаңбыр мен қар аралас жауын-шашын күтіледі, жел күшейеді.
Елдің батысында ауа температурасы түнде -1…-6°С-қа дейін, күндіз +3…+8°С-қа дейін төмендейді. Солтүстік-батыста күндіз ауа температурасы +15…+25°С-тан +5…+15°С-қа дейін төмендейді.
Солтүстік, шығыс және орталық өңірлерде ауа температурасының негізгі фоны +13…+23°С, оңтүстік және оңтүстік-шығыс өңірлерде +20…+25°С, таулы аймақтарда +10…+15°С болады.
Бүған дейін Kursiv.Media қазан айында елде қандай ауа райы болатынын жазған еді.
- Соңғы
Күнделікті жаңалықтар
1 қазан 2026
