Минскідегі Ұлттық кітапхана Қазақстан туының түсіне боялды
Қазақстан Премьер-министрі Олжас Бектенов Беларуське ресми сапармен барды. Ол Минскіде Беларусь үкіметінің басшысы Александр Турчинмен келіссөз жүргізеді деп хабарлайды Kursiv Media.
Олжас Бектенов 30 қыркүйек күні кешке Минск әуежайына келді. Оны Беларусь Премьер-министрі Александр Турчин қарсы алды.
Қазақстан Премьер-министрінің сапарына орай Минскідегі елдің басты нышандарының бірі саналатын Ұлттық кітапхана ғимараты Қазақстан туының түстеріне боялды.
1 қазанда, Беларусь Үкіметінің ғимаратында екі елдің премьер-министрлері келіссөз өткізеді. Кездесу қорытындысы бойынша бірқатар халықаралық құжатқа қол қою рәсімі өтуі қажет.
Сонымен қатар Минскіде II Халықаралық «Иннопром» өнеркәсіптік көрмесі өтіп жатыр. Оған да Олжас Бектеновтің қатысуы жоспарланған.
Бұл уақытта Тоқаев мемлекеттік сапармен Германияда жүр. Ол Қазақстан-Бавария технологиялық форумының ашылуына қатысып, Бавария бизнесін Қазақстанда жаңа жобалар жасауға шақырды.
- Соңғы
Күнделікті жаңалықтар
1 қазан 2026
