Шымкенттік спортшы Софья Берульцева «Парасат» орденімен марапатталды

10.11.2026, 11:03 kz.otyrar.kz

Шымкенттік каратэші Софья Берульцева – еліміздің спорт ардагерлерінің арасында өз орнын тапқан үздік спортшылардың бірі. Күні кеше спортшы Президент Қасым-Жомарт Тоқаевтың Жарлығымен «Парасат» орденімен марапатталды. Софья өзінің жемісті мансабымен және ерекше жетістіктерімен еліміздің спорт тарихында елеулі із қалдырған спортшылардың бірі.

Софья Берульцева 6 жасынан бері спортпен айналысып келеді. Спорттық карьерасын жас каратэші ретінде бастаған ол, өзіне қойылған мақсаттарға жетуде қажырлы еңбек пен т ер төгіп келеді. 20 жылда спортшы ретінде қаншама жарақатқа, жаттығуларға тап болып, түрлі сыннан өткен. Оның екі дүркін Азия чемпионы атануы – ұзақ уақыт бойы үздіксіз жаттығу мен төзімділіктің нәтижесі.

Жапонияда өткен XX жазғы Азия ойындарында Софья тағы бір мәрте еліміздің намысын қорғап, алтын медаль жеңіп алды. Азиаданың екі дүркін чемпионы атанды. Ол бұған дейін де Токио Олимпиадасында қола жүлдеге қол жеткізген болатын.

Бұл жетістік – тек жеке жеңіс ғана емес, сонымен қатар, кез келген спортшы үшін үлгі боларлықтай нәтижелердің бірі. Осы жеңіс арқылы ол жас спортшыларға серпін беріп, каратэ спорт түрін дамытуға жол салып келеді.

Софьяның жетістіктері елімізде каратэ спортының дамуына да үлкен үлес қосып жатыр. Оның жетістіктерінің арқасында аталмыш спорттың танымалдылығының артып, жастардың спортпен белсенді түрде айналысуына серпін беріп отыр. Сонымен қатар, спортшының пікірінше, мемлекет тарапынан спортқа көрсетіліп жатқан қолдау, әсіресе, ауылды жерлерде, көптеген жастардың спортпен айналысуына мүмкіндік туғызып отыр.

Президентпен кездесу – Софья үшін ерекше маңызды сәт болды. Ол мемлекет басшысына спортқа, жастарға көрсетіліп жатқан қолдауы үшін алғысын білдіріп, Қазақстанның спорттық болашағы үшін өз пікірін ортаға салды. «Жетістіктің артында тек менің еңбегім ғана емес, мені қолдаған адамдардың қолтаңбасы жатыр. Біз спортшылар, мемлекетіміздің туын көтеру үшін жауаптымыз», – деді Софья Берульцева.

Софья Берульцева – жігерлі, еңбекқор және патриот спортшы. Оның жетістіктері «Мүмкін емес – мүмкін» деген ұранды есте сақтауға көмектеседі. Оның мақсаттары мен жетістіктері көптеген жастарға үлгі болып, алдағы уақытта да еліміздің спортын дамытуға үлкен үлес қосатынына сенім артамыз.

«Бұл жетістіктің артында үлкен еңбек пен тер жатыр. Мен 6 жасымнан спортпен айналысамын. 20 жыл ішінде қаншама жарақат, қаншама жаттығу болды. Қазір елімізде жаңа спорт базалары салынып жатыр. Президентпен кездесу біз үшін ерекше маңызды», — дейді Софья Берульцева. Атақты спортшының алдағы уақытта бұдан да биік жетістіктерге жететініне сенім мол. Оған оның күш жігері жететіні айқын.