Путинцева Азия ойындарындағы екінші медалін жеңіп алды
Қазақстандық теннисшілер Юлия Путинцева мен Анна Данилина Aichi-Nagoya 2026 жазғы Азия ойындарында әйелдер арасындағы жұптық сында қола медаль жеңіп алды, деп хабарлайды Kursiv.Media.
2 қазанда өткен жартылай финалда қазақстандық дуэт Қытайлық Тайбэй өкілдері Се Шувэй мен Лян Эньшуоға қарсы ойнады. Тартысты өткен кездесудің екі сетінде де жеңімпаз тай-брейкте анықталды.
Бірінші партияда Путинцева мен Данилина 6:7 (3:7) есебімен есе жіберді. Екінші сет те тай-брейкке ұласып, қарсыластар 7:6 (7:5) есебімен басым түсті. Қорытынды есеп — 6:7 (3:7), 6:7 (5:7).
Осылайша, Қазақстан жұбы финалға шыға алмай, Азия ойындарын қола жүлдемен аяқтады.
Путинцева үшін бұл Аичи мен Нагоядағы Азия ойындарындағы екінші қола медаль. Бұған дейін ол әйелдер арасындағы жекелей сында жартылай финалға дейін жетіп, қола жүлдеге ие болған еді.
- Соңғы
- Қазан, 02
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
3 қазан 2026
